OLA PRIMAVERA, ADEUS INVERNO!

BENVIDA PRIMAVERA!

Bo día nenos e nenas de 3º e 4º.

Hoxe é un día especial no noso calendario xa que é o día en que cambiamos de estación.

A primavera vai a estar con nós dende o venres 20 de marzo ata o sábado 20 de xuño en que entrará o verán.

Seguro que se mirades a través das vosas fiestras xa podedes observar moitos cambios que provoca a súa chegada. 

Lémbrovos algunhas das súas características principais e propóñovos un pequeno traballo de investigación posterior cunhas preguntiñas moi sinxelas.

CARACTERÍSTICAS DA PRIMAVERA:

• É unha estación intermedia entre o inverno e o verán que comeza co equinoccio de primavera, e na que as temperaturas van ascendendo de xeito lento e progresivo.
• As precipitacións son menos frecuentes 
• A primavera, ao igual que as demáis estacións, prodúcese debido ao movemento de translación da Terra, isto provoca que unha parte do noso planeta esté sempre máis preto do sol e reciba maís calor.
• A natureza vai cambiando ao longo destes días e podemos observar cambios nas árbores, especialmente de folla caduca, e no resto das plantas.
• Os animais tamén experimentas cambios nesta época do ano, por exemplo os insectos.

A TRABALLAR!:

Relacionado coas áreas de lingua, matemáticas, ciencias... que traballamos diariamente no cole, aquí van unhas preguntiñas e algún enlace para traballar un pouco na casa APUNTÁDESVOS?

INVESTIGA:

1. A que hora empezou a primavera?
2. Calcula, coa axuda dun calendario cantos días durará.
3. Que é o equinoccio de primavera e a que parte desta estación fai referencia (principio, medio ou final). Axúdate das pistas que hai na lectura.
4. Curiosidades: se podes observa os pequenos cambios que hai ao teu arredor (no xardín da casa, por exemplo) en plantas e animais. Podes recollelo por escrito.
5. Anímate a investigar como afecta a chegada da primavera ao comportamento dalgúns animais.

CREA: 

Aquí tedes un enlace para facer actividades de plástica relacionadas coa primavera.