UN CLUB SECRETO

Que tal Sacapenas!

Mañá será o primeiro día de clase despois das vacacións e xa teño preparadas as primeiras tarefas. 

Todos os días, cedo pola mañá, vou subir actividades a este blogue para que fagades, pero necesito contar coa vosa axuda.

Os mércores será a profe Bea a que vos presente a tarefa a facer, e outros días nos sorprenderán outros e outras profes coas súas propostas.

Xa sei que non estamos no colexio, e que a algúns e algunhas nos custa poñernos a traballar... pois ben, a partir de agora todas as mañas ímonos a levantar, almorzar, asearnos e vestirnos e abrir este blogue.

Dado que este é o noso club secreto, imos poñer unhas normas moi sinxelas para entrar nel: 

1. Ningún membro deste club secreto pode entrar en pixama, coa cara sen lavar ou sen almorzar.

2. O horario é de 9:00 a 14.00  de xeito que os que queiran participar o poden facer nesas horas (esas horas inclúen tempo para o descanso, recreo, saídas ao baño...).

3. Hai que intentar facer todas as actividades, non vale escoller as fáciles e deixar as difíciles.

4. Temos que participar todos e todas.

Eu comprométome a escoller e preparar actividades divertidas, e a ter algunha sorpresa de cando en vez.

CONTO CO VOSO COMPROMISO?

ESTOU SEGURA DE QUE SI.

Aqueles que vos comprometades podedes poñer o voso nome no apartado de comentarios deste blogue.

Bicos, deica mañá.